Gaurkoan euri langarra dugu bidelagun. Nolako plazerra goroldio bustia ukitzean! |
Gosetu gara, geldialdi txiki bat bidean. |
Batzuk jaten dauden bitartean, besteak jolasean: itsasoaren gainetik saltoak egiten, Afrikako jirafak imitatzen... Nolako irudimena! |
Zer ote dago atzeko zelaian? Bagoaz ikustera... |
Afrikako jirafak bizi dira hemen Zigorren ustez, baina orain paseatzera joanak dira. |
Zerbait ikusten da hor aurrerago... |
Norena izango da etxetxo hori? Pertsonena? Ez! pertsonak ez dira hor kabitzen! Agian oiloena, txakurrena, untxiena... |
Eta nola ez, derrigorrezko geldialdia astoak ikusteko. Deitu eta deitu baina gaurkoan ere ez zaizkigu hurbildu... |
Bagoaz aurrera, Arakil ibaia zeharkatzen duen zubia gurutzatuz. |
"Ze potoloa den bare hau", dio Norak!! |
Zer eramango du trenak zisterna horietan? Jonek dio gasolina, Hodeiek ura edo esnea, eta Laidaren ustez dirua, diruaren marrazki bat ikusi duelako trenaren kanpoaldean. |
Ahotsaren oihartzunekin jolasten trenbidearen azpitik pasatzean. |
Bagoaz baso barrurantz... Nola egongo dira aurreko astean egindako zuloak? Agian handitu dira, Anerren ustez basurde batek handituko zituen zuloak, haiek baitira animalia indartsuenak. |
Motxilak uzteko astirik gabe bagoaz zuloak behatzera! |
Eta hiru txerrikumeen etxetxoak berreraikitzera. Egurrezkoa soilik dago zutik. |
Nolako elkarlana! |
Eta nolako tunelak! |
Aldapan behera txirristan! |
Bagoaz eskolara bueltan... Datorren astean itzuliko gara! Eskerrik asko, Iban, ibilbide osoan zehar eman diguzun laguntzagatik! |
No hay comentarios:
Publicar un comentario